Zindagi Na Milegi Dobara (ZNMD) – Toh Zinda Ho Tum

Dilon mein tum apni betabiyan leke chal rahe ho.
Toh zinda ho tum!
Nazar mein khwaabon ki bijliyan leke chal rahe ho
Toh zinda ho tum!

Hawa ke jhonkon ke jaise aazad rehna seekho
Tum ek dariya ke jaise, leharon mein behna seekho
Har ek lamhe se tum milo khole apni baahein
Har ek pal ek naya samaa dekhiye

Jo apni aankhon mein hairaniyan leke chal rahe ho
Toh zinda ho tum!
Dilon mein tum apni betabiyan leke chal rahe ho
Toh zinda ho tum!

Writer: Javed Akhtar
In Farhan Akhtar’s voice.
Movie Album: Zindagi Na Milegi Dobara (ZNMD)

Zindagi Na Milegi Dobara (ZNMD) – Dil Aakhir Tu Kyun Rota Hai

Jab jab dard ka baadal chhaya
Jab gham ka saya lehraaya
Jab aansoo palkon tak aaya
Jab yeh tanha dil ghabraaya
Hum ne dil ko yeh samjhaya
Dil aakhir tu kyun rota hai?
Duniya mein yun hi hota hai
Yeh jo gehre sannate hain
Waqt ne sabko hi baante hain
Thoda gham hai sabka qissa
Thodi dhoop hai sabka hissa
Aankh teri bekaar hi nam hai
Har pal ek naya mausam hai
Kyun tu aise pal khota hai
Dil aakhir tu kyun rota hai

 

Writer: Javed Akhtar
In Farhan Akhtar’s voice.
Movie Album: Zindagi Na Milegi Dobara (ZNMD)

Zindagi Na Milegi Dobara (ZNMD) – Yeh Jaane Kaisa Raaz Hai

Ik baat honthon tak hai jo aayi nahin
Bas ankhon se hai jhaankti
Tumse kabhi, mujhse kabhi
Kuch lafz hain woh maangti
Jinko pahen ke honthon tak aa jaaye woh
Awaaz ki baahon mein baahein daalke ithlaaye woh
Lekin jo yeh ik baat hai
Ehsaas hi ehsaas hai
Khushboo si hai jaise hawa mein tairti
Khushboo jo be awaaz hai
Jiska pata tumko bhi hai
Jiski khabar mujhko bhi hai
Duniya se bhi chhupta nahin
Yeh jaane kaisa Raaz hai
Writer: Javed Akhtar
In Farhan Akhtar’s voice.
Movie Album: Zindagi Na Milegi Dobara (ZNMD)

Zindagi Na Milegi Dobara (ZNMD) – Apne Hone Par Mujhko Yaqeen Aa Gaya

Pighle neelam sa behta hua ye sama
Neeli-Neeli si khamoshiyaan
Na kahin hai zameen, na kahin Aasmaan
Sarsarati hui tehniyaan, pattiyaan
Keh raheen hai ki bas ek tum ho yahaan
Sirf main hoon
Meri saansein hain aur meri dhadkanein
Aisi gehraiyaan, aisi tanhaiyaan
Aur main sirf main
Apne hone par mujhko yaqeen aa gaya

Writer: Javed Akhtar
In Farhan Akhtar’s voice.
Movie Album: Zindagi Na Milegi Dobara (ZNMD)

Shayad Wo Pyaar Nahi- Yahya Bootwala

Pehli nazar me tumne use dekha aur usne tumhe aur is love at first sight ko tum mohabbat keh rahe ho to ho sakta hain tum galat ho,,

kyuki yaar pehli nazar me to hume antic chize bhi pasand aa jati hain pae hum use ghar me rakhte hain dikhane ke liye..

Bas kyuki der raat tak tum dono ek dusre se dher ssari baate karte ho aur ise tum mohabbat samajhte ho to ho sakta hain tum galat ho,,

kyuki yaae akelepan ke maare to do anjaan musafir bhi ek dusre se baat kar hi lete hain..

Are agar kisi ladki ko dekh kar wo tumhara hath pakad leti hain aur kisi ladke ko dekh kar tum uska aur is cute jealousy ko tum mohabbat keh rahe ho to ho sakta hain tum galat ho,

kyuki  yaar parindon ko pakda jata hain pijare me kaid karne ke liye unhe azad karne ke liye nahi..

Bas kyuki ab tum dono ek dusre ki baato ko samajh paa rahe ho aur ise tum mohabbat kehte ho to ho sakta hain tum galat ho,,

kyuki yaad rakho!! 2 bhukhe bhikhari bhi ek dusre ki bhukh samajh sakte hain par mita nahi sakte..

Are agar tum anniversary ka celebration har mahine kar rahe ho aur ise tum mohabbat kehte ho to ho sakta hain tum galat ho,,

kyuki Dastan-e-Ishq ko bayaan karne ke liye saal ka koi number nahi chahiye hota..

Are bas kyuki tum uski insta stories ka aur wo tumhari snap stories ka hissa ban chuki hain aur ise tum mohabbat kehte ho to ho skta hain tum galat ho,

kyuki yaar mohabbat ko filtaro ke sath save nahi kiya jata, use bas usi lamhe me jiya jata hain..

Haa lekin agar jismo me ulzne se pehle tum uski zulfo me ulzna chahte ho,

Agar wo bekhauf apna bachpana tumhare samne zaya kar deti hain,

Agar uske kapdo ke beparda hone se pehle tumne apne sare raaz uske samne khol diye aur usne bhi apne sare dar ka zikr tumhare samne kar diya hain,

Agar uska har aasun tumhare hi kameej par behta ho aur tumhare muskan ki wajh uski nadaniyaan ho to shayad shayad nahi yaar yahi pyar hain aur agar ye pyaar tumhe mil gaya hain to ise pakad lo, jakad lo, gale laga lo aur jaha kahi bhi mauka mile bas ise kehte raho ke tum usse kitna pyyar karte ho kyuki aisi mohabbat se mulaqat hone me zindagi ka ek kafi lamba arsa beet jata hain..